.
မြန်မာပြည်မှာ လူသိနည်းသေးတဲ့ ဈေးကောင်းရမယ့် ဆေးဘက်ဝင် #သွေးလိမ္မော်သီး စိုက်ပျိုးထိမ်းသိမ်းပုံ အဆင့်ဆင့်
လိုအပ်သော ရာသီဥတု နှင့် မြေဆီလွှာ
Blood orange ခေါ် အတွင်းသားက သွေးကဲ့သို့ အနီရင့်ရောင် ရှိသော လိမ္မော်သီးများကို သမပိုင်း နှင့် အအေးပိုင်း ရာသီဥတုရ ဒေများတွင် စိုက်ပျိုးနိုင်သည်။ ဥရောပတောင်ပိုင်း မြေထဲပင်လယ် ပတ်ဝန်းကျင် ဒေသများတွင် အထွက်အများဆုံး ဖြစ်သည်။ စိုက်ပျိုးရာတွင် နွေရာသီသည် အကောင်းဆုံးရာသီဥတုဖြစ်သည်။ ဆောင်း နှင် မိုးရာသီမျးတွင် ဆီးနှင်းခဲသော အခြေအနေများနှင့် စိုစွတ်သော အခြေအနေများတွင် အလွန် ထိခိုက်လွယ်ပြီး ရောဂါပျံ့နှံ့နိုင်သောကြောင့်ဖြစ်သည်။ သွေးလိမ္မော်သီးအတွက်အကောင်းဆုံးမြေဆီလွှာများမှာ နုန်းမြေ၊ သဲနုန်းမြေမှ နုန်းမြေ၊ သဲနီမြေ နှင့် အနက်ရောင်ရွှံ့စေး စသော မြေဆီလွှာ အမျိုးမျိုးတွင် စိုက်ပျိုးနိုင်သည်။ သွေးလိမ္မော် စိုက်ပျိုးရေး အတွက် အကောင်းဆုံးမြေဆီလွှာ မြေချဉ်ငန်ဓါတ် (pH) တန်ဖိုးမှာ ၆.၀ မှ ၇.၅ ကြားဖြစ်သည်။
.
.
သွေးလိမ္မော်သီး စိုက်ပျိုးခြင်း
သွေးလိမ္မော်သီးမျိုးစေ့ များကို မစိုက်ပျိုးမှီ တွင်းများ၏ အရွယ်အစားသည် အလျား၊ အနံ၊ အနက် (၂ပေခွဲ) ရှိရမည်ဖြစ်ပြီး (၂၃ပေ) ပတ်လည် ခြား၍ တူးထားသင့်သည်။ ထိုနောက် တွင်းများကို အပေါ်ယံမြေဆီလွှာနှင့် ကောင်းစွာတူဆွပေးပြီး သွေးလိမ္မာသီးမျိုးစေ့ များကို တူစွထားသော မြေ ထဲတွင်မြုပ်ထားကာစိုက်ပျိုးခြင်းသည် ကြီးထွားမှုနှင့် အထွက်နှုန်း မြင့်မားမှု တို့အတွက် အကောင်းမွန်ဆုံး ဖြစ်ကြသည်။
.
ရေလောင်းခြင်း
သွေးလိမ္မော်သီး အခြားသစ်သီးပင်များထက် ရေကို ပိုလိုအပ်ကြသည်။ ထို့ကြောင့် ရေသွင်းခြင်းသည် လိမ္မော်စိုက်ပျိုးရေးတွင် အလွန်အရေးပါသော အဆင့်ဖြစ်သည်။ ရေသွင်းခြင်းသည် မြေဆီလွှာ အမျိုးအစား၊ ရာသီဥတု အခြေအနေနှင့် အပင် သက်တမ်း စသည့် အကြောင်းအချက်များအပေါ်တွင် မူတည်သည်။ လိမ္မော်ပင်များသည် ရေဝပ်ခြင်းကို ခံနိုင်ခြင်း မရှိပေ။ ထို့ကြောင့် ပင်စည်များ ရေဝပ်ခြင်းကို ရှောင်ရှားသင့်သည်။ အပင်ရွှေ့ပြောင်း စိုက်ပျိုးပြီးနောက် လိမ္မော်ခြံကို ရေသွင်းပါ။ အရွယ်ရောက်ပြီးသော သွေးလိမ္မော်ပင်တစ်ပင်သည် တစ်နှစ်လျှင် ၂၀ မှ ၂၅ ကြိမ် ရေသွင်းရန် လိုအပ်သည်။ အစက်ချရေသွင်းခြင်းသည် အကျိုးကျေးဇူးများစွာ ရရှိသောကြောင့် အသုံးပြုသင့်သည်။
.
မြေသြဇာ
သွေးလိမ္မာသီး စိုက်ပျိုးရေးတွင် လိုအပ်သော နိုက်ထရိုဂျင် ၊ ဖော့စဖိတ် ၊ ပိုတက်စီယမ် အာဟာရဓာတ်များပါရှိသော မြေသြဇာများအဓိကလိုအပ်သည်။ အော်ဂဲနစ်မြေသြဇာများဖြင့် ထည့်သွင်း အသုံးပြုသင့်သည်။
.
အထွက်နှုန်းကို ၂ ဆတိုးခြင်း
မလိုအပ်သောကိုင်းဖျားများ နှင့် မြက်များကိုဖြတ်တောက်ခြင်းသည် သွေးလိမ္မာသီး အထွက်နှုန်း မြင့်မားရေးအတွက် အရေးကြီးသော အခန်းကဏ္ဍမှ ပါဝင်သည်။ ထိုသို့ ကိုင်းဖျားများ နှင့် မြက် ဖြတ်တောက်ခြင်းရှင်းလင်းခြင်းသည် မြေဆီလွှာလေဝင်လေထွက်ကောင်းမွန်ရန်နှင့် ဓာတ်မြေဩဇာ စုပ်ယူနိုင်ရန်တို့အတွက် အပင်ခြေပတ်လည်ကို တူးဆွပေးသင့်သည်။ မြက်များကို ထိန်းချုပ်ရာတွင် ဓာတုပေါင်းသတ်ဆေးများသည်လည်း ထိရောက်မှုရှိသည်။
.
ဖျက်ပိုးများနှင့်ရောဂါများ
သွေးလိမ္မော်ခြံအတွင်း ဖျက်ပိုးများနှင့်ရောဂါများ ထိန်းချုပ်ရန်မှာ သွေးလိမ္မော်ပင်များ၏ ကြီးထွားမှု ကာလ တလျှောက်လုံးအတွက် လွန်စွာ အရေးကြီးသည်။ လိမ္မော် စိုက်ပျိုးရေးတွင်တွေ့ရသော ဖျက်ပိုးများ- လိမ္မော် စိုက်ပျိုးရေးတွင် အဓိကတွေ့ရှိရသော ဖျက်ပိုးများမှာ ယင်မဲကောင်၊ ရှောက်မျိုးနွယ် ရွက်ထွင်းပိုး၊ သစ်ခေါက်စားဖလံ၊ ဒက်ပိုးတု၊ ပျပိုး၊ လှေးပိုးများ၊ သီးထိုး ယင်ကောင်နှင့် မွှားပင့်ကူတို့ ဖြစ်ကြသည်။ ထိုဖျက်ပိုးများသည် သီးနှံ အရည်အသွေးနှင့် သီးနှံ အထွက်နှုန်းတို့ကို ကျဆင်းစေသည်။ ရောဂါ ဖြစ်ပွားသော အပင်များအား ရီဒိုမေး ၊ ဘာဗင်စတင် စသည် တို့ကိုရောဂါ အမျိုးအစားပေါ် မူတည်၍ ဖျန်းပေးသင့်သည်။
.
ရိတ်သိမ်းခြင်း
သွေးလိမ္မော်သီးများသည် ပုံမှန်အားဖြင့် ဆောင်းဦးနှောင်းပိုင်းမှ နွေဦးပေါက်ရာသီအထိ မှည့်သည်။ အသီးအနှံများကို အရောင်စုံပြီး အနည်းငယ် နူးညံ့လာသောအခါတွင် အသီးအနှံများကို ရိတ်သိမ်းပါ။ အကိုင်းအခက်များ မပျက်စီးစေရန် အပင်မှ အသီးများကို လက်ဖြင့်ဂရုစိုက်ရိတ်သိမ်းခြင်းအကောင်းဆုံးဖြစ်သည်။