အချိုမှုန့်ကို အပင်များစိုက်ပျိုးသည့်အခါ ဘာလိုမျိုးအသုံးဝင်သလဲ။ အချိုမှုန့် မြေသြဇာရဲ့ အားသာချက်မှာ စိုက်ပျိုးရေး ပစ္စည်းများ နှင့် မြေသြဇာများ စျေးကြီးနေတဲ့ အချိန်များတွင် အချိုမှုန့်ကို စိုက်ပျိုးရေးအတွက် စမ်းသပ် အသုံးချဖို့ဖိတ်ခေါ်ပါရစေ စျေးသက်သာပြီး အကျိုးရှိပါတယ်။ #LGTmyanmar, #BBKmyanmar
.
အချိုမှုန့်ဆိုတာ ဘာလဲ ?
အချိုမှုန့်ဆိုသည်မှာ ဓာတုဗေဒနာမည်အားဖြင့် Monosodium glutamate (MSG) ဟုခေါ်သည့် ဒြပ်ပေါင်းတစ်ခု ဖြစ်သည်။
• Glutamic Acid လို့ခေါ်သော Amino Acid တစ်မျိုးပါဝင်ပြီး စားစရာထဲထည့်လိုက်လျှင် Free Glumate တွေ အဖြစ်ကို ပြောင်းလဲသွားကာ အစားအသောက်များ၏ အရသာကို ဓာတုနည်းနှင့် လျှာပေါ်တွင် ဆပွားတိုးပေးလိုက်ခြင်း ဖြစ်သည်။
.
အချိုမှုန့်ကို ဘယ်လို လုပ်သလဲ ???
ကာဘွန်ဟိုက်ဒရိတ် ဓာတ်ကို အဏုဇီဝပိုး ဘတ်တီးရီးယား Corynebacterium glutamicum ဖြင့်က စော်ဖောက်ခြင်းဖြင့် ပြုကြသည်။
အပင်မှထွက်လာသော ကာဘွန်ဟိုက်ဒရိတ်ဓာတ်(အချိုဓာတ်) များသောအပင်များမှာ ပီလောပီနံဥ၊ ကြံချောင်း နှင့် ပြောင်းဖူးအဆံ များဖြင့် ကစော်ဖောက်ကြသည်။ ကစော်ဖောက်ခြင်း မှထွက်လာသော အမိုင်နိုအက်ဆစ် များကို အခဲပြုလုပ်ပြီး အချိုမှုန့်ထွက်လာသည်။
.
ဖျော်စပ်နှုန်းထား
ရေ ၁ ဂါလံမှာ အချိုမှုန့် ဟင်းစားဇွန်း ၁ ဇွန့်ဖြင့် သေချာစွာမွှေပြီး ဆေးဖြန်းပုံးထဲသို့ထည့် ၍အသုံးပြုနိုင်ပါပြီး။ အပင် ၊မြေကြီး နှင့် အမြစ် မိမိနှစ်သက်ရာ နေရာများကို ဖြန်းနိုင်ပါပြီ။
.
အကျိုး ကျေးဇူး များ -
အရွက်စား အပင်တွေ နဲ့ အလှစိုက်အပင်တွေ အတွက် အစာချက်အားကောင်းစေတယ်၊
• အရွက်များ ကြီးထွားစေပါတယ်၊
• သယ်ဆောင်ရ လွယ်ကူ၊
• ဩဂန်းနစ် ဖြစ်ပါတယ်၊
• ပဲပင်များအတွက် အစောပိုင်း အဆင့်တွေမှာ အကျိုးပြု ပဲမြစ်ဖု Rhizobium ဘတ်တီးရီးယားကို အားပေးတယ်၊
• အပင်တွေရဲ့ ပန်းပွင့် မှုကို လှုံဆော်ပေးနိုင်ပါတယ်
.
ဆိုးကျိုးများ -
တစ်လကို ၅ ကြိမ်ထက် ပိုမသုံးသင့်ပါ၊ မြေငန် စေတတ်သည်၊ ဆားဓာတ် Sodium တွေမြေမှာ စုလာတတ်ပါသည်၊
• အများဆုံး နှုန်းအနေဖြင့် ရေ ၁ ဂါလံ တွင် ဟင်းစားဇွန်း ၅ ဇွန်းအထိသာသုံးသင့်သည်၊
• အပင်မှာ ဗိုင်းရပ်စ် ရောဂါတွေကျနေရင်မသုံးသင့်ပါ
အချိုမှုန့်ဖြင့် စိုက်ပျိုးရာတွင် လက်တွေ့ စမ်းသပ်ရာတွင် အောင်မြင်မှု ရရှိခြင်း
ပန်းအိုးသေးဖြင့် စိုက်ပျိုးထားသော ပျိုးပင်မှာ အချိုမှုန့် အသုံးပြု၍ စိုက်ထားခြင်းဖြစ်သည်။
ပန်းအိုး အကြီးမှာ ရိုးရိုး မြေသြဇာများ ဖြင့် စိုက်ပျိုးထားခြင်းဖြစ်သည်။
.