လူသုံးကုန်ပစ္စည်း (FMCG) တွေလိုပဲ စိုက်ပျိုးရေးထွက်ကုန်တွေဟာလည်း အရောင်းမြှင့်တင်ဖို့အတွက် စျေးကွက်ထဲမှာ လူသိများအောင် အများကြီး ကြိုးစားဖို့ လိုအပ်ပါတယ်။ စိုက်ပျိုးရေးစျေးကွက်ဟာ ထုတ်လုပ်သူ၊ ပွဲစား၊ လက္ကားဒိုင်၊ လက်လီသမား စသဖြင့် လူပေါင်းများစွာ ပါဝင်ပတ်သက်နေတဲ့အတွက် အလွန်ရှုပ်ထွေးပါတယ်။ #LGTmyanmar , #BBKmyanmar
စိုက်ပျိုးရေးစျေးကွက်ကို အဓိက ကဏ္ဍကြီး (၂) ခု ခွဲခြားနိုင်ပါတယ် -
စားသုံးသူဆီ တိုက်ရိုက်ရောက်မယ့် ကုန်ချောများ စျေးကွက်တင်ခြင်း: (ဥပမာ - စားသောက်ကုန် သီးနှံများ၊ စိုက်ခင်းထွက်သီးနှံများနှင့် သစ်သီးဝလံပန်းမန်များ)
စိုက်ပျိုးရေးသုံး ကိရိယာများနှင့် ပံ့ပိုးမှုပစ္စည်းများ စျေးကွက်တင်ခြင်း: (ဥပမာ - ထွန်စက်၊ မြေသြဇာ၊ ပိုးသတ်ဆေး စသည့် လယ်သမားများကို ကူညီပေးမယ့် ကြားခံပစ္စည်းများ)
အပိုင်း (၁) စိုက်ပျိုးရေးထွက်ကုန်များအတွက် စျေးကွက်ဗျူဟာများ (Marketing Strategies for Agricultural Products)
၁။ ထူးခြားထင်ရှားခြင်း အခြေခံမူ (Principle of Distinction) ဝယ်ယူသူတွေဟာ ထူးခြားပြီး စိတ်ဝင်စားဖို့ကောင်းတဲ့ ပစ္စည်းတွေကို ပိုပြီး ဝယ်ချင်ကြပါတယ်။ သင့်ထုတ်ကုန်ကို အခြားသူတွေနဲ့မတူဘဲ စျေးကွက်ထဲမှာ ပုံစံအသစ်နဲ့ ချပြနိုင်ရင် ဝယ်ယူသူတွေရဲ့ အာရုံစိုက်မှုကို အမြန်ဆုံး ရရှိပါလိမ့်မယ်။ အာရုံစိုက်မှု ရပြီဆိုရင်တော့ အရည်အသွေးနဲ့ ယုံကြည်စိတ်ချရမှု ပေးရပါမယ်။ အမှတ်တံဆိပ် (Branding) နှင့် ကုန်အညွှန်းအမှတ်အသား (Labeling) တွေကတစ်ဆင့် သင့်ထုတ်ကုန်အကြောင်း အချက်အလက်ကို စားသုံးသူထံ အပြည့်အစုံဆုံး ပေးထားပါ။
၂။ ပုံမှန်စျေးကွက်များတွင် ရောင်းချခြင်း (Sell in Regular Markets) စိုက်ပျိုးရေးထွက်ကုန်တွေကို ရောင်းချတဲ့အခါ ပိတ်ရက်တွေမှာ စည်ကားတတ်တဲ့ ပုံမှန်စျေးကွက် (သို့မဟုတ်) သက်မှတ်စျေးကွက်တွေဆီ ရောက်အောင် သွားပါ။ ဒီလိုနေရာမျိုးမှာ ဝယ်ယူသူအခြေခံ (Customer Base) က ရှိပြီးသားဖြစ်လို့ သင့်ဆီ လာဝယ်ချင်အောင် ဆွဲဆောင်မယ့် နည်းလမ်းတွေကိုပဲ ရှာဖွေဖို့ လိုအပ်ပါတယ်။
၃။ အစိုးရအဖွဲ့အစည်းများနှင့် ပူးပေါင်းခြင်း (Join Government Associations) ဒါဟာ အသေးစားတောင်သူတွေအတွက် အလွန်ကုန်ကျစရိတ်သက်သာပြီး စျေးကွက်ဝေစုအကြီးကြီးကို ရရှိနိုင်မယ့် နည်းလမ်းကောင်း ဖြစ်ပါတယ်။ ဒီလိုအဖွဲ့အစည်းတွေက ကြော်ငြာခြင်းကနေ ဝယ်ယူခြင်းအထိ စျေးကွက်လုပ်ငန်းစဉ်တစ်ခုလုံးကို တာဝန်ယူပေးတတ်ကြပါတယ်။ ဒါ့အပြင် တောင်သူတွေ အကျိုးအမြတ် ပိုရအောင် စျေးနှုန်းမြှင့်တင် ရောင်းချပေးတာမျိုးလည်း ရှိတဲ့အတွက် အသင်းဝင်ထားဖို့ အကြံပြုလိုပါတယ်။
အပိုင်း (၂) စိုက်ပျိုးရေးသုံး ကိရိယာ/စက်ပစ္စည်းများအတွက် စျေးကွက်ဗျူဟာများ (Marketing Strategies for Agricultural Equipment)
၁။ မက်လုံးများ ပေးခြင်း (Incentives) စိုက်ပျိုးရေးသုံး စက်ပစ္စည်းတွေက စျေးကြီးတဲ့အတွက် တောင်သူငယ်တွေ ဝယ်ယူဖို့ ခက်ခဲတတ်ပါတယ်။ အစိုးရပိုင်းကလည်း တောင်သူတွေ ပါဝင်လာအောင် မက်လုံးပေးတဲ့ ဗျူဟာတွေ (ဥပမာ - တောင်သူများကို လေ့ကျင့်ပညာပေးခြင်း၊ မြေသြဇာနှင့် ပိုးသတ်ဆေးများ ဖြန့်ဖြူးပေးခြင်း၊ မျိုးစေ့အရည်အသွေး မြှင့်တင်ပေးခြင်း) ဖြင့် ကူညီပေးနေပါတယ်။
၂။ စီမံကိန်းများနှင့် ချိတ်ဆက်ခြင်း (Schemes) အစိုးရက တောင်သူငယ်တွေကို ကူညီဖို့အတွက် မြေဆီလွှာကျန်းမာရေးကတ် စီမံချက် (Soil Health Card Scheme)၊ အတိုးနှုန်း သက်သာခွင့် စီမံချက် (Interest Subvention Scheme) နဲ့ အမျိုးသားစိုက်ပျိုးရေးစျေးကွက် (National Agricultural Markets) စတဲ့ စီမံကိန်းတွေကို ဖော်ဆောင်ပေးထားပါတယ်။ ဒီလို အစိုးရစီမံကိန်းတွေနဲ့ ပူးပေါင်းပြီး စက်ပစ္စည်းတွေကို ရောင်းချရင် အရောင်းမြှင့်တင်နိုင်ပါလိမ့်မယ်။
၃။ အစိုးရနှင့် ပူးပေါင်းဆောင်ရွက်ခြင်း (Collaboration with Government) ဒါဟာ ကုန်သည်၊ တောင်သူနဲ့ ပွဲစား အားလုံးအတွက် အကောင်းဆုံး ဗျူဟာတစ်ခု ဖြစ်ပါတယ်။ အစိုးရက တာဝန်ယူမှုအချို့ကို ရယူပေးပြီး အကျိုးရှိမယ့် ပရိုဂရမ်တွေ လုပ်ဆောင်ပေးတဲ့အတွက် တောင်သူတွေအနေနဲ့ နည်းပညာအသစ်တွေကို အသုံးပြုပြီး စျေးကွက်တင်နိုင်မယ့် အခွင့်အရေး ရရှိစေပါတယ်။
၄။ သင့်တော်မျှတသော စျေးနှုန်း သတ်မှတ်ခြင်း (Set Appropriate Pricing) စိုက်ပျိုးရေးသုံး စက်ပစ္စည်းတွေကို ရောင်းချတဲ့အခါ ငွေကြေးတတ်နိုင်တဲ့ လူတန်းစားတစ်စုတည်းကိုပဲ ဦးတည်တာမျိုး မလုပ်ပါနဲ့။ လူတိုင်း လက်လှမ်းမီနိုင်တဲ့ စျေးနှုန်းမျိုး ဖြစ်အောင် သတ်မှတ်ပါ။ လူတိုင်း ချဉ်းကပ်ရလွယ်ကူတဲ့သူ ဖြစ်အောင် ကြိုးစားခြင်းဖြင့် လူထုကြားထဲမှာ ယုံကြည်မှုနဲ့ နာမည်ကောင်း (Reputation) ကို တည်ဆောက်နိုင်မှာ ဖြစ်ပြီး အရောင်းကို ပိုမိုတက်စေမှာ ဖြစ်ပါတယ်။